គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា (គណៈកម្មការទី៥) បានរៀបចំកិច្ចប្រជុំក្រោមអធិបតីភាពឯកឧត្តមបណ្ឌិត ចែម វីឌ្យ៉ា ប្រធានគណៈកម្មការ ដើម្បីពិនិត្យពិភាក្សាលើការងារសំខាន់ៗរួមមានដូចខាងក្រោម៖ ១.បូកសរុបរបាយការណ៍សកម្មភាពការងារប្រចាំខែសីហា ឆ្នាំ២០២៤។ ២.ពិនិត្យរបាយការណ៍ តាមវិស័យនៅចន្លោះសម័យប្រជុំលើកទី១ នីតិកាលទី៥។ ៣.បូកសរុបលទ្ធផលចុះបេសកកម្មខេត្តបាត់ដំបងថ្ងៃទី២៥-២៨ ខែសីហា ឆ្នាំ២០២៤។ ៤.បូកសរុបចំណូល-ចំណាយថវិកាប្រចាំខែសីហា ឆ្នាំ២០២៤។ ៥.បញ្ហាផ្សេងៗ (ការចូលរួមមតិរបស់សមាជិកគណៈកម្មការ)។ កិច្ចប្រជុំនេះ ប្រព្រឹត្តទៅនៅសាលប្រជុំគណៈកម្មការទី៥ព្រឹទ្ធសភា នាព្រឹកថ្ងៃចន្ទ ទី០២ ខែកញ្ញា ឆ្នាំ២០២៤…។
ប្រភព៖ នាយកដ្ឋានព័ត៌មាន
